తెలంగాణ జ్యోతి/ వెబ్ న్యూస్: తెలంగాణలో సంచలనం సృష్టించిన టీఎస్పీఎస్సీ పేపర్ లీక్ కేసులో ట్విస్టుల మీద ట్విస్టులు చోటు చేసుకుంటున్నాయి. ఈ కేసులో తవ్విన కొద్దీ సంచలన విషయాలు బయటపడుతున్నాయి. తీగలాగితే డొంక కదిలిందన్న చందంగా.. ఒకరి తర్వాత ఒకరుగా నిందితులు బయటపడుతున్నారు. పేపర్ లీక్ కేసులో అరెస్టైన విద్యుత్ శాఖ డీఈ రమేష్‌ను కస్టడీలోకి తీసుకొని సిట్ అధికారులు విచారించగా.. సంచలన విషయాలు వెలుగు చూశాయి. ప్రజాప్రతినిధులు తమ పిల్లల కోసం ఏఈఈ పరీక్షా పేపర్ కొనుగోలు చేసినట్లు తెలిసింది.డీఈ రమేష్ మెుత్తం 80 మందికి AE పేపర్లు నమ్మినట్టుగా సిట్అధికారులు గుర్తించారు. పేపర్ ఇచ్చేందుకు గాను ఒక్కొక్కరి దగ్గర నుంచి 30 లక్షల రూపాయలకు బేరం కుదర్చుకున్నట్లు తెలిసింది. ఈ కేసులో అరెస్టైన మరో నిందితుడు సురేష్ నుంచి రమేష్ తీసుకున్నాడు. పేపర్ లీక్ కేసు ప్రధాన నిందితుడు, ఏ1గా ఉన్న టీఎస్పీఎస్సీ కార్యాలయ ఉద్యోగి ప్రవీణ్, సురేష్, రమేష్ ఓకే దగ్గర నివాసం.. ఉండగా మందుగా ప్రవీణ్ సురేష్‌కు పేపర్ ఇచ్చాడు. ఆ తర్వాత సురేష్ రమేష్‌కు పేపర్‌ను అందజేయగా.. దాన్ని సొమ్ము చేసుకునేందుకు అతడు ప్రయత్నించాడు.టీఎస్పీఎస్సీ కార్యాలయం వద్ద హైటెన్షన్అశోక్ నగర్‌లోని ఓ కోచింగ్ సెంటర్‌లో ఫ్యాకల్టీగాను పని చేస్తున్న రమేష్.. తనకున్న పరిచయాలతో తాను విధులు నిర్వహించిన ఏరియాలోని అభ్యర్థులకు ఏఈ పేపర్‌ను విక్రయించాడు. పెద్దపల్లి, కరీంనగర్ జిల్లాలోని చాలామంది అభ్యర్థులకు ఏఈ ప్రశ్నాపత్రాన్ని విక్రయించినట్లు సిట్ విచారణలో తేలింది. పలువురు మాజీ, తాజా ప్రజాప్రతినిధుల పిల్లలకు కూడా ప్రశ్నాపత్రాలు అమ్మినట్లు సిట్ దర్యాప్తులో వెల్లడైంది.కరీంనగర్ జిల్లా బొమ్మకల్ మండలానికి చెందిన మాజీ ఎంపీటీసీ శ్రీనివాస్ తన కూతురు కోసం పేపర్ కొనుగోలు చేసినట్లు తెలిసింది. డీఈ రమేష్ ద్వారా ఏఈఈ సివిల్, జనరల్ నాలెడ్జ్ పరీక్ష పేపర్లు కొనుగోలు చేసి పరీక్షలకు హాజరయ్యారు. ఈ మేరకు శ్రీనివాస్‌ను కలిసిన రమేష్ 75 లక్షలకు ఒప్పందం చేసుకున్నట్లు వెల్లడైంది. ఈ క్రమంలో ఆ ఎంపీటీసీ కూతురు పరీక్ష రాయగా.. ఎలక్ట్రానిక్ డివైస్ ద్వారా ఆమెకు రమేష్ జవాబులు చేరవేసినట్లు సిట్ విచారణలో తేలింది. ఉద్యోగం వచ్చిన తర్వాతనే డబ్బులు చెల్లిస్తానన్న శ్రీనివాస్ రమేష్‌తో ఒప్పందం కుదుర్చుకున్నాడు. ఇప్పటికే ఈకేసులో ఇప్పటికే 45 మందికి పైగా నిందితులను అరెస్టు చేశారు. వందల మందిని విచారించారు. తాజాగా.. రమేష్ ఇచ్చిన వివరాల ఆధారంగా మరికొందరిని అరెస్టు చేసేందుకు సిట్ అధికారులు రెడీ అవుతున్నారు.
