తెలంగాణ జ్యోతి /వెబ్ న్యూస్: పసిడి ప్రియులకు అలర్ట్. కొద్ది రోజులుగా రికార్డ్ స్థాయికి పెరిగిన బంగారం ధరలు క్రమంగా దిగివస్తూ ఊరట కలిగిస్తున్నాయి. వెండి రేటు క్రితం సెషన్‌లో ఏకంగా రూ.5300 మేర పడిన విషయం తెలిసిందే. ఇవాళ స్థిరంగా కొనసాగుతోంది. ప్రస్తుతం బంగారం, వెండి కొనుగోలు చేయాలని భావిస్తున్న వారికి ఇది మంచి అవకాశంగా చెప్పుకోవచ్చు. అంతర్జాతీయంగానూ ధరలు పడిపోతున్నాయి. ఫెడ్ వడ్డీ రేట్ల పెంపు వాయిదా వేసిన క్రమంలో ఓ స్థాయిలో బంగారం ధరలు పెరిగినట్లు కనిపించినా మళ్లీ పడిపోతున్నాయి. ఈ క్రమంలో దేశ రాజధాని హస్తినా, భాగ్యనగరంలో ఇవాళ గోల్డ్, సిల్వర్ రేట్లు ఏ విధంగా ఉన్నాయో చూద్దాం.అక్కడ తగ్గిన బంగారం రేటు..అంతర్జాతీయ మార్కెట్లో చూసుకుంటే బంగారం, వెండి ధరల ఇవాళ స్వల్పంగా తగ్గింది. ఫెడ్ వడ్డీ రేట్ల పెంపు వాయిదాతో డాలర్ తగ్గినట్లు కనిపించినా దాంతో పాటు బంగారం రేటు సైతం తగ్గుతుండడం గమనార్హం. ఇవాళ స్పాట్ గోల్డ్ రేటు ఔన్సుకు 1955 డాలర్ల వద్ద ట్రేడవుతోంది. ఇక స్పాట్ సిల్వర్ రేటు ఔన్సుకు 24.08 డాలర్ల వద్ద ట్రేడవుతోంది. ఇండియన్ కరెన్సీ రూపాయి విలువ గ్లోబల్ మార్కెట్లో ఇవాళ కాస్త పుంజుకుని రూ.81.938 వద్ద అమ్ముడవుతోంది.హైదరాబాద్‌లో బంగారం ధర..హైదరాబాద్‌లో నేడు 22 క్యారెట్లకు బంగారం 10 గ్రాముల రేటు రూ.55 వేల100 వద్ద ట్రేడవుతోంది. 24 క్యారెట్లకు చెందిన స్వచ్ఛమైన బంగారం ధర స్థిరంగా కొనసాగుతూ తులానికి ప్రస్తుతం రూ.60 వేల 110 వద్ద ట్రేడవుతోంది. ఢిల్లీలో కూడా గోల్డ్ రేటు ఇవాళ స్థిరంగానే కొనసాగుతోంది. ఢిల్లీలో చూసుకుంటే 10 గ్రాములకు గోల్డ్ రేటు 22 క్యారెట్లకు రూ. 55 వేల 260 వద్ద ట్రేడవుతోంది. ఇక 24 క్యారెట్ల మేలిగమి బంగారం 10 గ్రాములకు రూ.60 వేల 260 మార్కు వద్ద కొనసాగుతోంది.వెండి ధర..ఇక వెండి రేట్ల విషయానికి వస్తే క్రితం సెషన్‌లో ఒక్కసారిగా కుప్పకూలాయి. కిలోపై ఏకంగా రూ.5300 పడిపోవడం గమనార్హం. హైదరాబాద్‌లో సిల్వర్ రేటు ఇవాళ స్థిరంగా కొనసాగుతోంది. ప్రస్తుతం కిలో ధర రూ.73,500 మార్క్ వద్ద కొనసాగుతోంది. ఢిల్లీలో కిలో సిల్వర్ రేటు స్థిరంగా కొనసాగుతూ రూ.73,500 మార్కు వద్ద ట్రేడవుతోంది. ఢిల్లీ, హైదరాబాద్‌ మార్కెట్లో వెండి ధరల మధ్య చాలా వ్యత్యాసం ఉండేది. కానీ, ఇప్పుడు రెండు ప్రాంతాల్లో ఒకే విధంగా రేట్లు ఉండడం గమనార్హం. ఎప్పుడైనా హైదరాబాద్‌లో వెండి ధర చాలా ఎక్కువగా, బంగారం ధర కాస్త తక్కువగా ఉంటుంది.
