తెలంగాణ జ్యోతి వెబ్ న్యూస్: తెలంగాణలోని కాంగ్రెస్ ప్రభుత్వం.. మహాలక్ష్మి పథకంలో భాగంగా గ్యాస్ సిలిండర్ రూ. 500కే ఇస్తామని ప్రకటించింది. ఈ నేపథ్యంలోనే పంపిణీ కోసం లబ్ధిదారుల ఎంపికపై పౌర సరఫరాల శాఖ.. ప్రభుత్వానికి తాజా ప్రతిపాదనలు అందించినట్లు తెలుస్తోంది. రాష్ట్రంలో రేషన్ కార్డు ఉన్నోళ్లనే ఈ స్కీం లబ్ధిదారుగా ఎంపిక చేసే అవకాశాలు ఉన్నట్లు తెలిసింది. సిలిండర్లు దుర్వినియోగం కాకుండా.. లబ్ధిదారుల బయోమెట్రిక్ తీసుకోవాలనే నిబంధనల్ని కూడా ప్రతిపాదించినట్లు సమాచారం. అయితే ఇప్పటికే చాలా మంది కేవైసీ చేసుకునేందుకు గ్యాస్ కంపెనీల ముందు క్యూ కడుతున్నారు.వాస్తవానికి తెలంగాణ సర్కార్.. ఇప్పటివరకు ఎలాంటి మార్గదర్శకాలు విడుదల చేయలేదు. కాంగ్రెస్.. 6 గ్యారంటీలకు రేషన్ కార్డు ప్రాతిపదికగా ఉంటుందని ప్రకటించింది ప్రభుత్వం. గ్యాస్ సిలిండర్ గ్యారెంటీకి సంబంధించి.. ఎలాంటి నిబంధనలు ప్రకటించకపోయనప్పటికీ.. తమకు ఈ స్కీం ఎక్కడ వర్తించకుండా పోతుందేమోనని ప్రజల్లో ఆందోళన నెలకొంది. అందుకే.. Kyc అప్డేట్ చేసేందుకు గ్యాస్ ఏజెన్సీల చుట్టూరానే తిరుగుతున్నారు.దాదాపు అన్ని గ్యాస్ ఏజెన్సీల దగ్గర ఇదే పరిస్థితి కనిపిస్తుంది. కేవైసీ అప్డేట్ చేయాలని చాలా మంది డీలర్ల దగ్గర క్యూ కడుతున్నారు. మరోవైపు.. ఈ స్కీం మహిళలకు మాత్రమే వర్తిస్తుందని ప్రచారం కూడా ఉంది. దీంతో తమ పేరు మీద ఉన్న గ్యాస్ సిలిండర్ కనెక్షన్‌ను తమ భార్య పేరు మీదకు మార్చాలంటూ కూడా పురుషులు క్యూ కడుతున్నారు. దీంతో క్యూలు గ్యాస్ ఏజెన్సీల దగ్గర పెరుగుతున్నాయి.అయితే గ్యాస్ కనెక్షన్ ఉన్న వారు.. డీలర్ల వద్దకు వెళ్లాల్సిన పని లేకుండా.. ఆన్‌లైన్‌లోనే కేవైసీ అప్డేట్ చేసుకోవచ్చు. ఇండేన్ గ్యాస్, హెచ్‌పీ గ్యాస్, భారత్ గ్యాస్ సంస్థలు ఆన్‌లైన్‌లోనే కేవైసీ అప్డేట్ చేసుకునే వెసులుబాటు కల్పించాయి. దీనిపై అవగాహన లేక ప్రజలు గ్యాస్ సంస్థల దగ్గర క్యూకడుతున్నారు. ఆన్‌లైన్‌లో ఈ ప్రాసెస్ ఎలాగో ఇక్కడ చూడండి.తొలుత https://www.mylpg.in/ వెబ్‌సైట్ ఓపెన్ చేయాలి. హోం పేజీలో Bharat Gas, HP Gas, Indane Gas సిలిండర్ల ఫొటోలు కనిపిస్తాయి. మీ దగ్గర ఏ గ్యాస్ కనెక్షన్ ఉందో.. ఆ ఫొటోపై క్లిక్ చేయండి. అప్పుడు మరో పేజీ ఓపెన్ అవుతుంది. తర్వాత మీ వివరాలతో లాగిన్ అవ్వాలి.లాగిన్ అయ్యాక.. కేవైసీ అప్డేట్ చేశారో లేదో చెక్ చేయాలి. కేవైసీ అప్డేట్ లేకపోతే అప్లికేషన్ ఫాం డౌన్‌లోడ్ చేయాలి. అప్లికేషన్ ఫామ్ పూర్తి చేశాక.. ఏజెన్సీలో బయోమెట్రిక్‌తో కేవైసీ ప్రాసెస్ పూర్తి చేయొచ్చు
