ఏపీ మంత్రులకు శాఖల కేటాయింపు

తెలంగాణ జ్యోతి వెబ్ న్యూస్: ఆంధ్రప్రదేశ్ కొత్త ప్రభుత్వంలో మొత్తం 24మంది కొత్త కేబినెట్‌లో ఉన్నారు.. అయితే కొత్త మంత్రులకు శాఖల కేటాయింపుపై ముఖ్యమంత్రి నారా చంద్రబాబు నాయుడు ఇప్పటికే కసరత్తు దాదాపు పూర్తి చేసినట్లు తెలుస్తోంది. చంద్రబాబు తిరుమల నుంచి అమరావతికి తిరిగి వచ్చిన తర్వాత ఎవరికి ఏ శాఖలు కేటాయించిందీ ప్రకటించనున్నారు. అయితే జనసేన పార్టీకి కీలక శాఖలు కేటాయించనున్నట్లు తెలుస్తోంది. పవన్‌ కళ్యాణ్‌ను ఉపముఖ్యమంత్రిని చేయడంతోపాటు కీలకమైన పంచాయతీరాజ్, గ్రామీణాభివృద్ధి, అటవీ, పర్యావరణ శాఖలు కేటాయించనున్నట్లు ప్రచారం జరుగుతోంది. అలాగే నాదెండ్ల మనోహర్‌కు పౌర సరఫరాల శాఖ, కందుల దుర్గేష్‌కు పర్యాటకం, సినిమాటోగ్రఫీ శాఖను అప్పగించనున్నట్లు చెబుతున్నారు. పవన్ కళ్యాణ్‌ కోరిక మేరకే గ్రామీణ నేపథ్యం ఉన్న శాఖను అప్పగించబోతున్నట్లు సమాచారం. అలాగే నారా లోకేష్‌కు కూడా కీలక శాఖను కేటాయించనున్నట్టు తెలుగు దేశం పార్టీ పార్టీ వర్గాలు చెబుతున్నాయి.మరోవైపు కొత్తగా ప్రమాణ స్వీకారం చేసిన మంత్రులతో చంద్రబాబు సమావేశమయ్యారు. ప్రధానంగా పరిపాలనలో తీసుకోవాల్సిన జాగ్రత్తలపై చంద్రబాబు దిశా నిర్దేశం చేశారు. గత జగన్ ప్రభుత్వం నాశనం చేసిన వ్యవస్థలను బాగు చేయాలని మంత్రులకు చెప్పారు చంద్రబాబు. రాష్ట్ర పునర్నిర్మాణంలో మంత్రులదే కీలక బాధ్యతని గమనించాలని.. ప్రధానంగా ఓఎస్డీలు, పీఏలు, పీఎస్‌ల విషయంలో అప్రమత్తంగా ఉండాలని మంత్రులకు సూచనలు చేశారు. వైఎస్సార్‌సీపీ ప్రభుత్వంలో మంత్రుల దగ్గర పనిచేసిన వారిని చేర్చుకోవద్దని.. శాఖలవారీగా శ్వేతపత్రాలు సిద్ధం చేసి ప్రజలముందు ఉంచుదామని మంత్రలుతో చంద్రబాబు చెప్పారు. గతంలో తాను సీఎంగా ఉన్నప్పటి పరిస్థితి, ఇప్పటి పరిస్థితిపై చంద్రబాబు కొత్త మంత్రులతో విశ్లేషించారు. మంత్రుల అభీష్టాలు, వారి సమర్థత మేరకు శాఖలు కేటాయింపు ఉంటుందని..ఇచ్చిన శాఖకు పూర్తి స్థాయి న్యాయం చేయాల్సిన బాధ్యత మంత్రులదే అన్నారు. అధికారులతో సమన్వయం చేసుకుంటూ ప్రజలకు మేలు చేయాలని సూచించారు ఏపీ ముఖ్యమంత్రి చంద్రబాబు.మరోవైపు ఏపీ మంత్రులకు శాఖల్ని కేటాయించారంటూ సోషల్ మీడియాలో ప్రచారం జరుగుతోంది.. 24మందికి కేటాయించిన శాఖలు ఇవే అంటూ ఓ లిస్ట్ ఇప్పుడు వైరల్‌గా మారింది. ఈ లిస్ట్‌‌లో పవన్ కళ్యాణ్, నారా లోకేష్‌లకు కీలక శాఖల్ని అప్పగించినట్లుగా ఉంది.1. కొణిదెల పవన్ కళ్యాణ్ (డిప్యూటీ సీఎం, హోంశాఖ)2. నారా లోకేష్ (ఐటీ, పరిశ్రమలు)3. కింజరాపు అచ్చెన్నాయుడు (పంచాయతీరాజ్,గ్రామీణాభివృద్ధి)4. కొల్లు రవీంద్ర (బీసీ సంక్షేమ శాఖ)5. నాదెండ్ల మనోహర్ (వైద్య ఆరోగ్య శాఖ)6. పొంగూరు నారాయణ (మున్సిపల్ శాఖ)7. వంగలపూడి అనిత (విద్య,మానవ వనరుల అభివృద్దిశాఖ)8. సత్యకుమార్ యాదవ్ (దేవాదాయ శాఖ)9. డాక్టర్ నిమ్మల రామానాయుడు (పౌరసరఫరాలు, సమాచారశాఖ)10. ఎన్‌ఎండీ ఫరూక్ (మైనార్టీ సంక్షేమ శాఖ)11. ఆనం రామనారాయణరెడ్డి (రెవెన్యూ శాఖ)12. పయ్యావుల కేశవ్ (ఆర్థికశాఖ, శాసనసభా వ్యవహారాలు)13. అనగాని సత్యప్రసాద్ (విద్యుత్ శాఖ)14. కొలుసు పార్థసారథి (వ్యవసాయ శాఖ)15. డోలా శ్రీ బాలవీరాంజనేయస్వామి (ఎస్సీ సంక్షేమం)16. గొట్టిపాటి రవికుమార్ (గనుల శాఖ)17. కందుల దుర్గేష్ (ఆర్ అండ్ బీ)18. గుమ్మడి సంధ్యారాణి (ఎస్టీ సంక్షేమం)19. బీసీ జనార్థన్ రెడ్డి (గృహ నిర్మాణం)20. టీజీ భరత్ (పర్యాటక, యువజన, క్రీడలు)21. ఎస్ సవిత (స్త్రీ, శిశు సంక్షేమం)22. వాసంశెట్టి సుభాష్ ( ఎక్సైజ్ శాఖ)23. కొండపల్లి శ్రీనివాస్ (రవాణా శాఖ)24. మండపల్లి రామ్ ప్రసాద్ రెడ్డి (కార్మిక శాఖ)సోషల్ మీడియాలో ఈ జాబితా వైరల్ అవుతోంది.. కొంతమంది ఈ శాఖలే ఫైనల్ అన్నట్లుగా చెబుతుంటే.. మరికొందరు మాత్రం ఇదంతా ఊహాగానాలు మాత్రమే అంటున్నారు. మరి కొత్త మంత్రులకు ఏ, ఏ శాఖలు కేటాయించారో తెలియాలంటే గురువారం సాయంత్రం వరకు ఆగాల్సిందే.