తెలంగాణ జ్యోతి/వెబ్ న్యూస్/ బీర్కూర్ : బీర్కూరు మండలం దామరంచ గ్రామ శివారులో క్రీడా ప్రాంగణ స్థలాన్ని ఏర్పాటు చేసేందుకు అనువైన స్థలాన్ని శనివారం ఎంపీడీవో భాను ప్రకాష్, స్థానిక సర్పంచ్ విట్టల్ పరిశీలించారు. ఈ సందర్భంగా ఎంపీడీవో మాట్లాడుతూ తెలంగాణ ప్రభుత్వ ఆదేశాల మేరకు ప్రతి గ్రామంలోనూ క్రీడా ప్రాంగణాలను ఏర్పాటు చేస్తున్నామన్నారు. ఈ క్రీడా ప్రాంగణాల్లో వాలీబాల్, షటిల్ అంటే కోర్టులను ఏర్పాటు చేస్తున్నామన్నారు. యువకులు ఆటలాడుకునేందుకు అనువైన స్థలాలను ఎంపిక చేస్తున్నామన్నారు. ఒక్కో గ్రామంలో రెండు నుండి మూడు క్రీడా ప్రాంగణాలను ఏర్పాటు చేస్తామన్నారు. ఆయన వెంట సర్పంచ్ విట్టల్, ఏపీవో అక్మల్ తదితరులున్నారు.
