తెలంగాణ జ్యోతి/వెబ్ న్యూస్: ప్రధానమంత్రి నరేంద్ర మోదీ శనివారం మధ్యప్రదేశ్‌లోని భోపాల్‌లో పర్యటిస్తున్నారు.తన పర్యటన సందర్భంగా మధ్యప్రదేశ్‌లోని భోపాల్‌లోని రాణి కమలాపతి రైల్వే స్టేషన్ నుంచి భోపాల్-న్యూఢిల్లీ మార్గంలోదేశంలోని 11వ వందే భారత్ ఎక్స్‌ప్రెస్‌ను ప్రధానమంత్రి జెండా ఊపి ప్రారంభించారు.ఈ రైలుతో రెండు ప్రధాన నగరాల మధ్య ప్రయాణ సమయాన్ని తగ్గిస్తోంది.ప్రయాణికులు భోపాల్ నుంచి న్యూఢిల్లీ సెమీ హై స్పీడ్ రైలులో 7 గంటల 45 నిమిషాల్లో చేరనున్నారు. ‘‘భోపాల్- న్యూఢిల్లీ మధ్య వందేభారత్ ఎక్స్ప్రెస్ ఫ్లాగ్ ఆఫ్ తో మధ్యప్రదేశ్- ఢిల్లీ మధ్య కనెక్టివిటీని పెంచుతుంది’’ అని ప్రధాని మోదీ శనివారం ట్వీట్ చేశారు.దేశంలోనే తయారు చేసిన వందే భారత్ ఎక్స్ప్రెస్ రైలు సెట్‌లో అత్యాధునిక ప్రయాణీకుల సౌకర్యాలు ఉన్నాయి. ఇది రైలు వినియోగదారులకు వేగవంతమైన, సౌకర్యవంతమైన ప్రయాణ అనుభవాన్ని అందిస్తుంది. ఈ రైలు కేంద్ర ప్రభుత్వ యాజమాన్యంలోని చెన్నై ఇంటిగ్రల్ కోచ్ ఫ్యాక్టరీలో ఉత్పత్తి చేశారు. భారతదేశంలో రెండవ అత్యంత వేగవంతమైన రైలు సెమీ-హై-స్పీడ్ రైలుగా నిలిచింది.
