తెలంగాణ జ్యోతి/వెబ్ న్యూస్: సీనియ‌ర్ నటుడు, నిర్మాత, ద‌ర్శ‌కుడు సూపర్‌స్టార్ కృష్ణ (Superstar Krishna) తీవ్ర అనారోగ్యానికి గుర‌య్యారు. దీంతో ఆయన్ని వెంట‌నే కాంటినెంటల్ హాస్పిట‌ల్‌లో (Continental Hospital) జాయిన్ చేశారు. ప్రస్తుతం ఆయన డాక్ట‌ర్స్ ప‌ర్య‌వేక్ష‌ణ‌లో చికిత్స తీసుకుంటున్నారు. కృష్ణ రెగ్యులర్ చెకప్ కోసం హాస్పిటల్‌కి వెళ్లారు. ఆయన శ్వాస సంబంధిత సమస్యతో బాధపడుతున్నారు. దీంతో ఆయన్ని ఆదివారం నానక్ రామ్ గూడలోని కాంటినెంటల్ హాస్పిటల్ జాయిన్ చేశారు. ప్రస్తుతం ఆయన ఆరోగ్య పరిస్థితి నిలకడగానే ఉందని మీడియా వర్గాలు అంటున్నాయి. టాలీవుడ్ అగ్ర కథానాయకుడు మహేష్ బాబు (Mahesh Babu) … హాస్పిటల్‌కు చేరుకోనున్నట్లు వార్తలు వస్తున్నాయి. కృష్ణ మూడు వందలకు పైగా చిత్రాల్లో నటించి తనదైన గుర్తింపును తెచ్చుకున్నారు. సాటి హీరోలతో స్నేహంగానే ఉంటూనే పోటీ పడి సినిమాలు చేసేవారు. మూడు షిఫ్టుల్లో పని చేశారు. హీరోగానే కాకుండా నిర్మాతగానూ భారీ, వైవిధ్యమైన చిత్రాలను నిర్మించారు. దర్శకుడిగానూ విజయవంతమైన చిత్రాలను రూపొందించారు.తెలుగు సినిమా సాంకేతికంగా డెవలప్ కావటంలో కృష్ణ ఎంతో ముఖ్యమైన పాత్రను పోషించారు. తెలుు సినిమాను మలుపు తిప్పిన అతి కొద్ది మంది వ్యక్తుల్లో కృష్ణ ఒకరు. ఆయన త్వరగా కోలుకోవాలని అభిమానులు, ప్రేక్షకులు ఆకాంక్షిస్తున్నారు.
