సికింద్రాబాద్ లో మాటలకందని విషాదం

తెలంగాణ జ్యోతి/వెబ్ న్యూస్: ప్రాణానికి ప్రాణంగా ప్రేమించి పెళ్లి చేసుకున్న భార్య దూరమైందన్న విషయాన్ని జీర్ణించుకోలేకపోయాడు. తాను లేని లోకంలో ఉండలేనని అనుకున్నాడు. చావైనా.. బ్రతుకైనా.. తనతోనే అని కఠిన నిర్ణయం తీసుకున్నాడు. భార్య చీరతోనే ఉరేసుకొని ఆత్మహత్య చేసుకున్నాడు. తన ఇద్దరు పిల్లలను అనాథలను చేసి ఈ లోకం విడిచి వెళ్లిపోయాడు. ఈ విషాదకర ఘటన సికింద్రాబాద్ పరిధిలో చోటు చేసుకుంది.పోలీసులు తెలిపిన వివారల ప్రకారం.. వెస్ట్ మారేడుపల్లి గాంధీ కాలనీకి చెందిన దాసకి అఖిల్ (24), మియాపూర్‌కు చెందిన మౌనికను ప్రేమించాడు. పెద్దలను ఒప్పించి 2019లో ఆమెను పెళ్లి చేసుకున్నాడు. వీరికి రెండున్నరేళ్ల ప్రణ్, ఏడాది వయస్సు హారిక సంతానం. ఇద్దరు పిల్లలతో ఆనందంగా సాగుతున్న వీరి సంసారాన్ని విధికి కన్నుకుట్టినట్లుంది. అనారోగ్య సమస్యలతో గత నెల 23న మౌనిక చనిపోయింది. భార్య మృతితో అఖిల్ మానసిక వ్యధకు గురయ్యాడు. ప్రాణానికి ప్రాణంగా ప్రేమించిన మౌనిక దూరం కావటాన్ని అతడు తట్టుకోలేకపోయాడు. ఆమె చనిపోయి నాటి నుంచి ఇంట్లో వాళ్లతోనూ సరిగ్గా మాట్లాడకుండా లోలోపల కుంగిపోయాడు.అయితే నిన్న (మే 13) మధ్యాహ్నం మౌనిక 21వ రోజు కార్యక్రమం నిర్వహించారు. ఆ కార్యక్రమ నిర్వహణలో కుటుంబ సభ్యులు నిమగ్నమైఉన్నారు. పూజలో కూర్చునేందుకు రావాలని అఖిల్‌ను అతడి తల్లి రేణుక పిలిచింది. తాను స్నానం చేయలేదని స్నానం చేసి 10 నిమిషాల్లో వచ్చి పూజలో కూర్చుంటానని తల్లికి చెప్పిన అఖిల్ గదిలోకి వెళ్లి తలుపేసుకున్నాడు. పావుగంట దాటినా అతడు ఎంతకూ బయటకు రాకపోవటంతో తలుపు తట్టింది. అయినా గదిలో నుంచి స్పందన లేకపోవటంతో.. ఆందోళనకు గురైన ఆమె బంధువుల సాయంతో తలుపులు బద్దలుకొట్టించింది.నవ దంపతుల మృతి.. బైక్‌ను తప్పించబోయి, ఘోర విషాదం!గది లోపల అఖిల్ తన భార్య మౌనిక చీరతో ఫ్యాన్‌కు ఉరేసుకొని కనిపించాడు. అది చూసిన కుటుంబ సభ్యులు షాక్‌కు గురయ్యారు. అతడిని కిందకు దించి గాంధీ ఆసుపత్రికి తరలించగా.. అప్పటికే మృతి చెందినట్లు డాక్టర్లు వెల్లడించారు. దీంతో వారి కుుటంబంలో విషాదం అలుముకుంది. 21 రోజుల వ్యవధిలోనే భార్య భర్తలు మృతి చెందటం స్థానికంగా కలిచివేసింది. అమ్మనాన్నల మృతితో ఏమీ తెలియని వయస్సులో ఇద్దరు చిన్నారులు అనాథలయ్యారు. అసలేం జరిగిందో తెలియక అమాయకంగా చూస్తున్న పిల్లలను చూసి స్థానికులు కంటతడి పెట్టుకున్నారు. విధి ఆడిన వింత నాటకంలో యవ దంపతులు ప్రాణాలు కోల్పోగా.. వారి పిల్లలిద్దరూ తల్లిదండ్రుల ప్రేమకు దూరమయ్యారు.Read More Telangana News And Telugu News