వైయస్ వివేక హత్య కేసులో ఏ వన్ కు సుప్రీం లో ఎదురుదెబ్బ

తెలంగాణ జ్యోతి/వెబ్ న్యూస్: మాజీ మంత్రి వివేకానందరెడ్డి హత్య కేసు (Ys Vivekananda Reddy Murder Case)లో ప్రధాన నిందితుడి (ఏ1)గా ఉన్న ఎర్ర గంగిరెడ్డికి సుప్రీం కోర్టులో ఎదురు దెబ్బ తిరిగింది. తెలంగాణ హైకోర్టు మంజూరు చేసిన బెయిల్‌ వ్యవహారంపై మరోసారి విచారణ జరిగింది. తెలంగాణ హైకోర్టు గంగిరెడ్డి విడుదల అంశంలో ఇచ్చిన ఆదేశాలపై సుప్రీం కోర్టు స్టే ఇచ్చింది. గంగిరెడ్డి ఇటీవలే సీబీఐ కోర్టులో లొంగిపోయిన సంగతి తెలిసిందే.వైఎస్‌ వివేకా హత్యకేసులో 2019 మార్చి 28న పోలీసులు గంగిరెడ్డిని అరెస్టు చేశారు. కానీ అరెస్ట్ చేసిన 90 రోజులు గడచినా చార్జిషీట్‌ దాఖలు చేయకపోవడంతో.. గంగిరెడ్డికి 2019 జూన్‌లో కోర్టు డీఫాల్ట్‌ బెయిల్‌ మంజూరు చేసిన సంగతి తెలిసిందే. వివేకా కుమార్తె ఈ కేసు విచారణపై సుప్రీం కోర్టును ఆశ్రయించగా.. దర్యాప్తును సీబీఐకి అప్పగిస్తూ తీర్పు ఇచ్చారు. ఆ తర్వాత సీబీఐ గంగిరెడ్డి బెయిల్ రద్దు చేయాలని కోర్టును ఆశ్రయించగా.. పిటిషన్‌ను కొట్టేసింది. వెంటనే సుప్రీం కోర్టులో సీబీఐ మరో పిటిషన్ దాఖలు చేసింది.. అయితే ఒకవేళ ఆధారాలు ఉంటే డీఫాల్ట్ బెయిల్ రద్దు చేయొచ్చని సుప్రీం కోర్టు తెలిపింది.ఏసుప్రభు, అవినాష్‌ రెడ్డి, నేనే గదిలో ఉన్నాం.. కేఏ పాల్ చెప్పిన సంచలనంఎర్రగంగిరెడ్డి బెయిల్ రద్దు పిటిషన్‌పై విచారణ చేయాలని ఏపీ హైకోర్టును సుప్రీం కోర్టు ఆదేశించగా.. ఆ తర్వాత ఈ కేసు విచారణను సుప్రీం కోర్టు తెలంగాణకు బదిలీ చేసింది. దీంతో తెలంగాణ హైకోర్టులో సీబీఐ కోర్టులో వాదనలు వినిపించగా.. గంగిరెడ్డి బెయిల్ రద్దు అయ్యింది. ఆయన సీబీఐ కోర్టులో లొంగిపోయారు. అయితే కస్టడీ తర్వాత విడుదల తేదీని తెలంగాణ హైకోర్టు ఖరారు చేస్తూ ఇచ్చిన ఆదేశాలను వివేకా కుమార్తె సునీత సుప్రీం కోర్టులో సవాల్ చేశారు.ఈ పిటిషన్‌ను జస్టిస్‌ పీఎస్‌ నరసింహ, జస్టిస్‌ పంకజ్‌ మిత్తల్‌ల ధర్మాసనం విచారణ చేసింది. వివేకా హత్య కేసులో ఎ1గా ఉన్న ఎర్రగంగిరెడ్డి బెయిల్‌ రద్దు చేసి లొంగిపోవాలని ఆదేశించి.. ఆయన్ను జులై 1న విడుదల చేయాలని తెలంగాణ హైకోర్టు తీర్పు ఇచ్చిన విషయాన్ని సీబీఐ లాయర్ కోర్టుకు వివరించారు. తెలంగాణ హైకోర్టు ఉత్తర్వులు 8వ వింతను తలపిస్తున్నాయన్నారు. ఇలాంటిది తామెప్పుడూ వినలేదని.. సునీత దాఖలు చేసిన పిటిషన్‌ను తాము సమర్థిస్తున్నామని చెప్పారు. కౌంటర్ అఫిడవిట్ కోసం శుక్రవారానికి (మే 26) కేసు విచారణ వాయిదా పడింది. ఇవాళ ఆ కేసును విచారించిన ధర్మాసనం.. గంగిరెడ్డి విడుదల అంశంలో తెలంగాణ హైకోర్టు ఇచ్చిన ఆదేశాలపై స్టే ఇచ్చింది.